ANTOLOGI GEGURITAN
SUNARING LINTANG
Anggitane : Dra. Lasmiati ( Lasmi Miati)
Atur Pangiring
Puji syukur mugi konjuk dhateng ngarsanipun Allah SWT,
awit saking berkah saha rahmatipun buku Antologi Geguritan kanthi irah-irahan Sunaring Lintang saged karakit. Buku
Antologi Geguritan Sunaring Lintang
ngemot geguritan-geguritan ingkang kula serat kanthi ngelmu ingkang kula sinau
ing pelatihan-pelatihan antawisipun kalian Kang Wanto Tirta, ugi…
Saderengipun kula ngaturaken panuwun dhateng Kang
Wanto, …. Ingkang sampun paring ngelmu saengga kula saged ngrakit Buku Antologi Geguritan menika. Kula ugi
ngaturaken panuwun dhumateng kanca-kanca, para kadang sutresna ingkang sampun
paring panjurung saengga Buku Antogi menika saged karakit.
Buku Antologi Geguritan Sunaring Lintang menika isinipun kumpulan geguritan kanthi tema werni-werni
kadosta kaendahaning alam, katresnan, uga
surasaning manah.
Daftar Isi
Irah-irahan
Atur Pangiring
Daftar Isi
1.
Manungkul Marang
Gusti
2.
Taman Victoria
3.
Kabur Kanginan
Saparan-paran
4.
Bumiku
Nuswantara
5.
Calung Banyumas
6.
Mbabar Raina
7.
55 TAHUN
8.
Udan Ing Sasi
Juli
9.
Wasitaning Gusti
10. Dedongan Kanggo Simak
11. Baturaden
12. Janji kanggo sri atmaja
13. Banyumas
14. PTM
15. Corona Gawe Gendra
16. Nandhang Wuyung
17. Sunaring Lintang
18. Golet Ridhoning Gusti
19. Pageblug Virus Corona
20. Apa Rila Yen Basa Jawa Ilang
21. Pletheking Bagaskara
22. Respati Nanggal Siji
23. Rembulane Padhang Jingglang
24. Udan Riwis-riwis
25. Tandang Gawe
26. Dunyane Wis Tuwa
27. Manungkul Marang Gusti
28. Jemuah Bersih
29. Urip Kuwe Mung Mampir Ngombe
30. Facebook Dunya Kang Maya
31. Berkahe Gunung Slamet
32. Eling Lan Waspada
33. Kuwaya Andum Berkah
34. Reriwis Tanpa Kuwung
35. Ngrungkebi Bumi Partiwi
36. Banjir Ludira
37. Ngowahi Sejarah
38. Gurit Wengi
39. NKRI Harga Mati?
40. Gurit Kanggo Para Taruna
41. Pageblug Semeru
42. Berkahe Gunung Slamet
43. Eling Lan Waspada
44. Guruku Digugu Lan Ditiru
45. Getuk Goreng
46. Apa Rila Yen Basa Jawa Ilang
47. Respati Nanggal Siji
48. Kidhung Awan Sapinggiring Sawah
49. Rembulane Padhang Jingglang
50. Tandang Gawe
Manungkul
Marang Gusti
Jaman edan
Akeh wong sing padha ngedan
Sing cilik ngedan
Sing gedhe ngedan
Sing tuwa uga ngedan
Jarene...nek ora ngedan ora keduman
Apa enggane aku kudu melu ngedan
Edan...edan...ngedan
Ora....
Inyong ora kena melu edan
Inyong kudu tetep eling lan waspada
Manungkul marang Gusti Kang Maha Kuwasa
Netepi titahing Gusti
Dadi manungsa sejati
Manungsa kang binudi
Dadi rahmat ing saindhenging bumi
Baturaden, 22
januari 2018
Taman
Victoria
Rong tahun kepungkur
Inyong mung maca crita
Ramene taman Victoria
Taman sing dadi idholane TKI Indonesia
Taman kang dadi papan kumpule para
wanita
Kang padha nyleweng sekang kodrating
manungsa
Siki ora mung krungu crita
Kaya sing decritakna neng taman Victoria
Taman kang panggonane adoh
Ing Hongkong kana
Siki uga kedadeyan ing Indonesia
LGBT...nyalahi kodrating manungsa
Manungsa kang mbelani nafsu angkara
Tumindak laku nistha
Taman Victoria dununge ngaluk-aluk ing
kana
Sanadyan bera tumindak nistha
Singkirna sekang donya Indonesia
Indonesia tetep jaya
Yuwana para taruna
Negara tata tentrem kerta raharja
Baturaden, 23 Januari 2018
Kabur
Kanginan Saparan-paran
Godhong garing ... kumleyang ....
Ora duwe daya
Suket teki ndhelik, ndhepis
Aling-alingan pager wesi
Dhedhemitan klayaban
Nggoleti kanca dolan bebarengan
Iblis ndhepis-ndhepis
Nggoleti dalan kemaksiatan
Apa enggane godhong bakal tetep garing
Suket tetep ndhelik
Iblis, dhedhemitan klayaban ora karuan
Thole ... dhenok ....
Age-age dho gumregah tangi ....
Cancut tali wanda aja padha keri
Mbeneri budi pakarti kang wis suwe mati
Kabur kanginan saparan-paran
Kendhang ...klelep ... ing segara wetan
Klebus ... kodanan ... neng tlatah kulon
Besuk ....
Titiwancine ....
Langit bakal padhang jingglang
Kawuran sotya pelangi wahyu Ilahi
Banyumas, 8 Februari 2018
Bumiku
Nuswantara
Bumiku subur
Bumiku makmur
Gemah ripah loh jinawi
Iku sesanti jaman old uga now
Delengen ....
Sawangen ....
Sekang pojok wetan tumekaning pojok
kulon
Sekang pojok lor tumeka pojok kidul
Bumiku katon ijo royo-royo
Ngegla ... padhang ... wera....
Tumata kanthi becik ... apik
Papan panggonan plesiran
Ing bumiku nuswantara
Delengen ....
Sawangen ....
Gatekna ....
Sapa bae sing bisa nyecep
Asin ... legi ... pait ....
Bumi nuswantara iki
Aku ... kowe ... kita ...apa wong liya
Sekang mancanegara
Ooooo ....
Bumiku nuswantara
Siki wis wiwit dadi weke wong liya
Apa aku lan kowe kudu tetep meneng
Karo ati sekreneng
Api-api ora weruh
Api-api ora krungu
Api-api bungah
Sanajan ati susah
Ooooo ....
Generasi jaman now
Gumregaha ....
Tangia ....
Aja ngasi deduweki wong liya
Sanadyan kanthi toh-tohan nyawa
Baturaden, 9 April 2018
Calung
Banyumas
Thing thung thing brung
Swara calung Banyumasan
Resep derungokna
Lenggak-lenggok penarine
Calung Banyumasan
Sing digawe sekang epring
Ditata manut irama
Cacahe deling-eling lan detung
Detabuh adhedhasar lagu
Lagu dhangdhut
Lagu pop, lagu rege, lagu kroncong lan
kasidahan
Calung Banyumasan
Gawe regeng swasana
Gawe bombong manahira
Ati sumpeg ... ati ruwet .... dadi
padhang
Ilang was sumelang
Baturaden, 9 April 2018
Mbabar Raina
Bang wetan mbranang padhang
Ngawe-awe ngejak kanca sekukuban
Tumapaking surya ngintip sekang jendhela
Durung marem yen lakune isih dhewekan
Golet kanca kanggo haleledhang
Binarung bang wetan
Jago kluruk saut-sautan
Pratandha mbabar raina
Bang wetan gagat raina
Miwiti panyebaring rejeki
Siji-siji dibiji manut ajining dhiri
Dipilah-pilah manut pangrengkuhing
pribadi
Ana sing sekepel ana sing segendhongan
Kabeh wis tinakdir dening Kang Maha
Mirah
Kabeh mung bisa atur panarimah
Baturaden, 10 april 2018
55
TAHUN
Seket lima tahun kepungkur
Keprungu swara jabang bayi
Cenger ... cenger ....
Ana ing omah sapinggiring sawah
Swasana kang sepi ... asri ....
Nambahi jenjeming ati
Bapa lan biyunge si jabang bayi
Binarung swarane jabang bayi
Jangkrik ngikrik
Kodhok ngoret
Nambahi endahing swasana
Wengi kang sepi
Candra ... kartika ....
Sumunar madhangi jagad raya
Padha karo padhanging manah
Manahe wong loro kang nembe nampa
bebungah
Sekang Gusti Kang Maha Mirah
Iba senenge wektu iki
Rinasa ing teelenging ati
Ijabah lan nugraha sekang Gusti
Yayi mung bisa ngunjukna donga-donga
Amung iku kang bisa dakaturna
Nadyan wis sawetara
Anggone urip bebrayan
Tandha tresna asihku lan sliramu
Ora tahu luntur kasaput bayu
Tumekaning titi wanci iku
Baturaden, 30 Januari 2018
Udan
Ing Sasi Juli
Ora ana sing dakantu-antu
Kejaba tekamu
Udan ing wulan Juli
Sing wis suwe diumpetna
Titik-titik embune
Kanggo tetuwuhan
Ora ana sing luwih daktresnani
Kejaba tekane udan ing sasi Juli
Kanggo ngapus tapak-tapak sukune
Kang tumempel ing jubine
Ora ana sing luwih wicaksana
Sekang udan ing wulan Juli
Kang bisa gawe sumringahing ati
Uga telesing jiwa raga iki
Sing padha bingung ing dalane Gusti
Ora ana sing lewih arif
Kejaba pitutur sakang tekane udan ing
sasi Juli
Meneng...tanpa calathu
Tetuwuhan lan kekembangan
Kanthi oyode
Ngisep banyu ing sasi Juli
Baturaden, 20 Februari 2019
Wasitaning
Gusti
Gempa, tsunami neng ngendi-endi
Apa kuwe pratandha
Menawa Gusti kang Murbeng jagat duka
Duka amarga ulahing manungsa
Kang tumindak nurut bujuking hawa
Jaman akhir
Tumindaking manungsa kaya kewan
Kamangka...manungsa diparingi akal
pikiran
Kanggo nimbang sakabehing saran
Supaya tumindake ora nyimpang sekang
tatanan
Nalika wasitaning Gusti wis tumurun
Kuwe pratandha Gusti Kang Murbeng dumadi
Tresna asih marang sakabehing para abdi
Para abdi mung kari golet teliking sandi
Banjur kapilah-pilah kapilih sing
katitik
Dening Gusti kang Murbeng Dumadi
Baturaden,
21 Desember 2018
Dedonga
Kanggo Simak
Mak....
Aku kokkandhut sangang sasi setegah
Sampeyan asta menyang ngendi ngendi kanthi ati bungah
Ora tau krasa abot
Ora tau nggresula
Apa maning sambat
Marang wong liya
Mak...
Sampeyan wanita kang prasaja
Ora pirsa apa kuwe sing arane mas lan
perak
Apa maning nyandhang lan urip kepenak
Sing aneng penggalihe
Mung anak bisa mangan lan nyandhang
Sarta golet padhanging dunya
Supaya mbesuk bisa urip mulya
Mak....
Anane aku siki
Kuwe kabeh merga lara lapane sampeyan
Pengorbanane sampeyan
Nanging...manut panemumu iku kabeh
kuwajiban
Ora mikir oleh apa mbesuke
Sing dipikir mung nggulawenthah anak
kanthi ikhlas, Lillah
Mak...
Pangapuraku bae sing akeh
Nganti tumekaning seda durung bisa
nggawe mulya
Siki mung bisa ngunjukna donga-donga
marang Kang Maha Kuwasa
Amrih sampeyan tentrem ing swarga loka
Baturaden,
22 Desember 2018
Baturaden
Baturaden ....
Adhem ... seger ... hawane
Bawera ... jembar papane
Endah sesawangane
Asri lingkungane
Grapyak semanak masyarakate
Resep sedhep pasugatane
Baturaden ....
Kawentar saindhenging nuswantara
Idholane kawula mudha
Turis dhomestik uga mancanegara
Baturaden ....
Adhem banyune
Adhem hawane
Adhem sesawangane
Adhem pikir lan atine
Baturaden ....
Bisa gawe bungah
Wong-wong sing lagi nandhang susah
Nandhang susah ... bisa bungah
Baturaden, 20 Oktober
2021
Janji
kanggo sri atmaja
Lamat-lamat kadulu soroting surya
Sanadyan durung patia cetha
Siji sing dadi pangarep-arepku
Balia maneh kaya asal maune
Asal kang suwaune katon edi…endah
Endah ing telenging manah
Sanadyan wektu iki katon ruwet
Kadya benang kusut kang bundhet
Kang saben ari nambahi sirah mumet
Dina-dina…sing katon pedhut ireng
nggameng
Kaya gegana meh ambruk ngrubuhi jagad
Saiki….
Tekadku wis nyawiji
Mangsa kang bakal teka
Wiwit titi mangsa iki
Bakal ngupaya sarosaning daya
Kanggo mbalekna telenging jiwa
Kang kasaput mega sawatara
Baturaden, 28 Maret 2015
Banyumas
Bahasane ngapak kanggo
caturan kepenak
Anak putu uripe tansah guyub rukun
Nandhakna masyarakate urip makmur
Nandur kabecikan cirine wong Banyumas
Yen gather kanca anyar langsung cedhek
Umume padha ramah semedulur
Manut tatanan sing ora perlu kacathet
Aneng buku apa dene kitab primbon
Sangsaya sure sangsaya rukun sedulurane
Baturaden, 6 September 2021
PTM
Srengenge panjer
Mlethek gagat raina
Padha gemregah
Mancal kemule
Gregah tangi mencolot
Gegebyur adus
Lakuning surya
Sangsaya tekan dhuwur
Wis kudu mlangkah
Nggendhong tase
Budhal menyang sekolah
Jo lali prokes
Ketemu guru
Sinau bareng kanca
Do jaga jarak
Ngaso neng kelas
Mangan ngombe neng kelas
Tetepa ikhlas
Bubar sekolah
Langsung bali nyang ngomah
Pikantuh berkah
Baturaden, 6 September 202
Corona Gawe Gendra
Virus corona
Gawe gendra sadunya
Anggegirisi
Teka kang Cina
Nular sekang pelancong
Sumrambah nyebar
Pawongan wedi
Ketularan corona
Njaga imune
Daya upaya
Kanggo ngilangi virus
Protokol sehat
Urip sing sehat
Istirahat teratur
Pan begja mulya
Baturaden, 7 September 2021
Nandhang Wuyung
Mendhung tanpa udan
Kaya rasa rasaning atiku
sing kroncalan
Lara ati nandhang wuyung
Mbuh tekan kapan brantaning
ati bisa disudani
Sebab tekan siki durung
kabukti
Naming Gusti kang murbeng
dumadi
Kang wenang murba
Manungsa sadermi nglakoni
Anut marang laksitaning
kodrat
Kang wus ginaris dening
Gusti kang Maha Rohim
Awit tresna butuh tawuring
rasa
Mula aja kewawa
Menawa Gusti uwis paring
kodrat
Bisa sinandhing tanpa cuwa
Nanging tetep kudu diupaya
Baturaden, 9 September 2021
Sunaring Lintang
Mbang kulon katon branang
abang
Srengenge wis meh mangslup
tutupan mega
Wengi bakal marani sliramu
sing wis suwi ora bali
Sumilak jingga kadya
ngawe-awe tekamu
Rembulan kaya-kaya aras-arasen
anggone lumampah
Kesaput mega mendhung sing
sedhilut maning bakal rebah
Kumleyanging rasa ora bisa
tinutupan dening mega
Kaya-kaya bakal wutah bareng
tetes luhing kelam
Ati kang kabranang merga
nandhang duhkita
Kangen kang sangsaya
ngambra-ambra
Wis ora bisa dibendhung maning nganggo cindhe
Bisane mung pasrah marang
Gusti
Supaya sunaring lintang bisa
madhangi petenging galih
Sanadyan rasaning duhkita
durung bisa ilang sekang telenging ati
Baturaden, 16 September 2021
Golet Ridhoning Gusti
Lamat-lamat kadulu tekaning
srengenge neng bang wetan
Sunare katon abang mbranang
Tandha gagat raina sedhela
maneh bakal teka
Mratandhani wong-wong wis
cumanthaka golet bandha
Lumampahing baskara kadya
tanpa rupa
Seklerapan tinutupan mega
Seklerapan padhang jingglang
Kaya mati satengahing urip
Urip tanpa daya
Ora ana daya kanggo ngupaya
bandha
Apa maneh dunya brana
Sing digoleki among
ridhoning Gusti
Kanggo sanguning urip ing
alam kalanggengan iki
Swarga loka lumintir
Baturaden, 16
September 2021
Pageblug Virus Corona
Pepaesing dunya kaya-kaya
ilang pamore
Awit sekang tekane virus
corona
Ganti swasana sepi mamring
sadalan-dalan
Eling wektu sadurunge
ketamon corona
Babagan apa bae katon regeng
nyenengna
Lamun siki kabeh wis
owah sekang tatanane
Urung bisa mbalik kaya maune
Ganti jaman ganti pakulinan
ganti kebiasaane
Virus corona sing asale
sekang Cina
Ing salumahing dunya gawe
gendra
Remuking daya perekonomian
Uga perdagangan salumahing
dunya
Sangsaya tumpes tumpar
Corona makhluke Gusti Allah
sing cilik menthik
Ora katon dideleng nganggo
mata wuda
Rumangsa paling sekti mandra
guna
Ora rumangsa salah menawa
gawe gendra
Ning sing kudu padha
dengerteni para manungsa
Anane corona kabeh sekang
Gusti Kang Maha Kuwasa
Baturaden, 22 September 2021
Apa Rila Yen Basa Jawa Ilang
Aku ora rila yen basa jawa
bakal musna
Pancen mangsa siki wis
sangsaya langka pengguna
Ananging bakal lestari aku
tetep percaya
Rikala semana basa jawa kaloka
Ilining kasusastran
kaya-kaya ora tau asat
Lestari ngrembaka tekan
manca negara
Ambune sumebar wangi ngambar
ambar
Yen siki katon kaya arep
musna
Entheng neng pikir abot ing
panyandhang
Netepi kewajiban njaga
lestarining basa jawa
Bebasan abot entheng
dilakoni bebarengan
Aku lan sampeyan kabeh
sarana
Supaya basa jawa tansah widada
Ana ing bumi Jawa Indonesia
Jiwaning manungsa kudu
tansah percaya
Ananing keajaiban sing wis
kinodrat
Wasising manah kudu tansah
diasah
Awit kudu imbang antarane
jiwa lan raga
Ilange basa jawa ora bakal
kenyana
Lamun aku lan sira kabeh cancut
tali wanda
Ambendhung tekane mega
Neng tanah jawa
Gung anginggil perwira
Baturaden, 22 September 2021
Pletheking Bagaskara
Semilir angin ing
sapinggiring segara
Njalari tumetesing luh kang
sangsaya jero
Nganti ora bisa kabendhung
nganggo gombal bodhol
Esem sing maune katon manis
Guyu seru latah-latah siki
bisu
Aku neng kene
Kaya buku diary sing urip
Panggonan kanggo nulis
pangunek unekmu
Kanthi duwe ancas kabeh
sungkawa ilang musna
Nanging....
Bagaskara angslup tanpa
paring warta
Nahan rasa kanggo nggayuh
mangsa kang arep teka
Kaya-kaya tumetesing luh ana
sajroning jiwa
Perih nanging ora oleh
ngrintih
Kereming manah nganti ora
bisa napas
Mata ora bisa merem
Kambang kambang mata branang
Mbendhung supaya luh ora
tumetes
Kangen kang wis kandel
Kudu digoletna cara anggone
ngudhari
Padhanging mangsa bakal
kawiyak
Bareng karo pletheking bagaskara
Baturaden, 22 September 2023
Respati Nanggal Siji
Wengi wis Bali menyang papan
panggonan
Manjing nyawiji gagat raina
Bagaskara lon alonan lumaku
sekang wetan
Tanda para among tani
makarya nggolet pangupa jiwa
Respati nanggal siji kucem pasuryane
Lengket-lengket lakune
ninggal tapake
Angslup neng papan dununge
Nyawiji sungkem marang
Gustine
Respati....
Rupamu njlirit kadya arit
Baturaden, 19 Oktober 2021
Rembulane Padhang Jingglang
Wengi kiye katon semringah
Pawongan padha bungah
Bocah-bocah rame aneng njaba
umah
Para sepuh manungkul maring
Gusti pasrah
Rembulane bunder
kluwer-kluwer
Sing padha jonjang
muter-muter
Sing masang mingar-minger
Kartika nancang ing tawangan
Kumerlip ngawe-awe
bebarengan
Banjur tumurun neng kalangan
Rembulane padhang jingglang
Madhangi sakupenging
panyawang
Dikancani padanging lintang
Sing ambyar aneng
awang-awang
Baturaden, 19 Oktober 2021
Udan Riwis-riwis
Udan riwis-riwis nelesi
lemah ngarep omah
Tetanduran sing maune alum tangi
gumregah
Ngadeg ngrembuyung mlengkung
sawayah-wayah
Sesawangan katon ijo
royo-royo edi endah
Kewan-kewan ngombe banyu
udan
Sabanjure bebarengan padha
mangan
Tumindake kaya manunsa andum
pakan
Ngugemi pranatan pepadhaning
kewan
Mlebu kandhang siji mbaka
siji
Ora perlu ngantri ora perlu
dibiji
Kabeh darbe pengaji dhiri
pribadi
Ora kena nduweni sipat iri
Udan riwis-riwis ing wayah
sore
Andum berkah kanggo awake
dhewe
Tumpraping manungsa kang
sugih syukure
Tansah sembah sungkem mring Gustine
Baturaden, 20 Oktober 2021
Tandang Gawa
Esuk umun-umun pancal kemul
Nata rambut banjur nyanggul
Tandang gawe aneng dhapur
Ngliwet uga gawe sayur
Rampung beberes plencing
mangkat
Ora lali sangu tahu kupat
Dewadhahi tepak isi papat
Depangan kanca cacah papat
Bubar mangan pating klepat
Bubar mulang bali ngomah
Mampir pasar tuku barang
nggo demamah
Tekan ngomah gari mlumah
Dipijeti mbok Salamah
Baturaden 22 Oktober 2021
Dunyane Wis Tuwa
Dunyane wis katon tuwa
Urung duwe sangu kanggo bali
menyang alam kelanggengan
Nanging akeh pawongan sing
tan rumangsa
Yen sedhela maneh bumine
bakal nela
Anane udan mung gawe
nelangsa merga kurang nrima
Nandhakna yen kurang ngelmu
agama
Ewadene sing diudag mung
raja brana
Wancine wong-wong wiwit
padha sadar
Ingatase urip neng dunyane
mung sekedhar
Sing penting kabeh kudu
padha sadhar
Tuntunan agama kudu dikaji
Urip neng dunya mung sawiji
Winengku marang Hang Widhi
Aneng dunya nggolet sangu
kanggo bali
Baturaden, 2 Oktober 2021
Manungkul Marang Gusti
Bagaskara angslup maring
senthong
Awan gumanti wengi dalu
Langit kemulan mega mendhung
Ujug-ujug angkasa muntah
kuwaya
Katon riwis riwis ing
sadawaning dalan
Nambahi dawane was sumelang
Sing wis telung dina
ngarepna kabar
Wengi sangsaya nglangut
Nambahi kandeling pedhut
Ati kang sangsaya nglantur
Ngenteni kabar sangsaya
kabur
Grimis riwis riwis nambahi
ati miris
Nanging lon alonan lakune
angin
Nggiring lunganing hawa atis
Wulan cumlorot tipis
Kadya alis nanggal siji
Ati kang maune pisah siki
nyawiji
Manunggal manungkul marang
Gusti
Baturaden, 22 September 2021
Jemuah Bersih
Dina Jemuah ing wanci enjang
Kahanan esih katon remeng-remeng
Keprungu guyone
kang gayeng
Katon Siswa SMP kang nggrengseng
Wektu sekolah miwiti pasinaon
Akeh siswa sing padha pitakon
Jemuah enji ng
kagem lingkungan kemawon
Kerja bakti reresek papan pasinaon
Namung tekat saiyeg saeka kapti
Nyambut gawe bareng kanthi senenge ati
Tansah sehat kang diupadi
Lingkungan sekolah kang tetep asri
Lingkungan sehat kudu den lestari
Budaya bebersih kudu diuri-uri
Supaya warga bijak bestari
Baturaden, 24 September 2024
Urip Kuwe Mung Mampir Ngombe
Urip kuwe mung Mampir ngombe
Rumangsaa yen uripmu neng dunya mung seklepatan
Isih mending yen waspada lan nrima
Pasrah marang Gusti sing Maha Mirah
Kumalungkung dudu sipat sing prasaja
Urip neng dunya kudu
asipat lembah manah
Waton manut marang aturan Qur'an sunah
Eling yen besuk bakal bali maring kelanggengan
Murih urip neng akherat tata tentrem
Urip aja ninggal aturane Gusti Kang Maha Ageng
Ninggalna maksiyat durjana angkara
Gusti bakal ngapurani kabeh luputira
Baturaden 22 Oktober 2021
Facebook Dunya Kang Maya
Ujug-ujug kenalan dhewe
Sabanjure njaluk nomer hape
Clathune karo ngawe-awe
Cempuleke dhudha pisah nembe
Detolak banjur nesu
Awit tansah kegawa kelu
Nyawang pasuryane sing ayu
Ora ngerti kaya mau
Metu omong seomong
Sing ngemu sipat sombong
Ora gelem ngemong uwong
Geleme mung dibombong
Sesumbar njaluk deblokir
Anggone ngomong ora depikir
Kaya-kaya neng alam nyata
Kamangka Facebook dunya kang maya
Mapan Wong urip kudu tansah tumindak becik
Aja ngasi ninggal tatanan lan subasita
Mepes hawa napsu kang ngambra-ambra
Penggak kabeh kepenginan kang ora munpangat
Isi uripmu kanthi tumindak becik
Rumangsaa nek urip dudu kanggo dhiri pribadi
Nerak laranganing Gusti
Gangguaning syaitan sawiji
Omong seomong kudu biniji
Mumpung esih urip teng mriki
Bisaa njaga budi pekerti
Engkone bakal urip pengaji
Baturaden, 22 Oktober 2021
Berkahe
Gunung Slamet
Berkahe Gunung Slamet
Endah makmur tan kinira
Rerenggane tinata kanthi apik
Kanthi asta prigeling Gusti
Aneng pucuking mega katon ngegla
Hagunging pangreksane Sing Kuwasa
Edi peni ing samudayane
Gunung kang tansah amberkahi
Unggulaning tlatah Banyumas iki
Neng dhuwur katon gagah mrebawani
Ukiran kaendahan nyata binukti
Nang sakupenging tlatah tansah binudi
Gunung Slamet ndadekna masyarakat
sumungkem marang Gusti
Sumungkeme bukti tandha syukur
Langgeng tumekaning raga kabujur
Aneng liang kubur
Mamanise urip ambyur binalabur
Eeseme mratandani uripe bakal makmur
Tanpa siksa aneng njero kubur
Kedgungbanteng, 7 Desember 2021
Eling Lan Waspada
Poma Poma Ati Aja Sumpeg
Dina kiye lagi ruwet kaya benang bundhet
Nanging poma-poma ati aja padha melu
sumpeg
Sing nrima lan sabar ngadhepi kahanan
Supaya dunya iki tansah padhang
jingglang
Akeh wong sing ora paham
Menawa sakabehing tumindak
Manut karo titahing Gusti
Awake dhewek mung sederma nglakoni
Mula kudu tansah eling land waspada
Supaya urip ora nandhang sengsara
Kedungbanteng, 6 Desember 21
Kuwaya
Andum Berkah
Esuk-esuk langit nangis muntahna kuwaya
Binarung tumetesing luh Gusti paring
berkah
Amung para abdining Gusti kang lantip
Bisa maca aksara peparinging Gusti
Amung manungsa kang binudi
Bisa ngrasa kanugrahaning Ilahi Robi
Ati sing ireng nglemeng nggameng
Tan bakal weruh aksara kang cinathet
Aneng jagad raya sakupeng
Sanajan ngegla kawangwang tansah
mingslep
Gusti tansah miyak manah kang binuka
Nampa kabeh piwelingNge kang ginawa ing donya
Kutasari, 5 Desember 2021
Reriwis
Tanpa Kuwung
Udan ora gelem pisah
Esih pengin ngancani dina-dina sepi
Dina-dina tanpa sliramu neng cedheku
Tansag gawe semeingahing manahku
Reriwis tanpa kuwung
Kuwunge angsup ing sajeroning bumbung
Bumbung gedhi kaya lesung tanpa irung
Irung sing ora bisa ngurup adheming
sungsung
Udan ora marahi ati jenjem
Cumloroting pikir tumekeng pinggir
pesisir
Anjujug marang papaning sri atmaja
Kang manggon ana sajabaning kutha
Ngrungkebi
Bumi Partiwi
Neng kulon Sabang neng wetan Merauke
Gemah ripah loh jinawi
Rerangkening pulau binelah samudra
Urut-urutan tanpa pedot ing netra
Nagri kang binudi mrabawaning budi
Gancaring laku tumindaking bawana
Kekeceh tanpa daya pangaribawa
Ewadene kudu tansah tumungkul
Binarung samudayaning panguwasa
Ing salumahing nuswantara
Bumi pertiwi blabur ludira
Umbuling kasetyan para mudha
Mbelani kukuh adeging nusantara
Ing telenging dunya kang bawera
Pepayunging hukum ilang musna
Endhe kesaput mega
Reruntuhing tatanan negara
Tanpa daya tanpa pangalembana
Ing wewengkon saindhenging donya
Wus gumlethak kadya bale tanpa saka
Ing angen-angen balia kaya asal mula
Kutasari, 30 November 202
Banjir
Ludira
Pahlawan….
Jasa lan pengorbananmu ora kaetung
Sampeyan….
Mangkat neng palagan tanpa poyan
Ora gigrig ora wedi wutah getih
Mangkat manggul bambu runcing
Mapag penjajah nggawa bedil geni
Tekadmu nyawiji kanggo pertiwi
Raga lan sukmamu manunggal dadi siji
Bumi pertiwi blabur ludira
Arum angambar sumebar warata
Saindenging nuswantara
Asmamu kapacak ing jiwa
Mudha-mudhi Indonesia
Kutasari, 7 Desember 2021
Ngowahi Sejarah
Endi klambi seragammu
Tas batmanmu sing gagah
Buku lan seputumu ndi
Opa kowe ora duwe
Mesti bingung olehmu njawab
Keprimen
Sebab pancen deweke ora
ngerti apa apa
Jarene bocah sekolah nanging
saben dina neng ngumah
Ya lucu wong neng ngumah kok
nganggo seragam lan sepatu
Pegaweyane nginjen ponsel
karo nonton drakor
Meneng-meneng peradaban
wiwit owah
Sedhela maning wis ora ana
bocah mangkat sekolah
Tas lan sepatu bakal dadi
barang sejarah
Gedhong gedhong sekolah
bakal dadi omah tua
Kosong langka sing
diwuruk diwulang
Penjaga perpus gaweyane mung
lungguh kempas kempus
Nyambi ndongeng wong sing
padha kumenthus
Longak longok mbok menawa
ana siswa mlebu perpus
Kaendahaning swasana esuk
wis ilang sekang pandhangan
Lagu lagu kebangsaan
kelangan waranggana
Klompok paduan suara
Indonesia raya esih padha turu angler
neng ngumahe dhewek-dhewek
Sing maca teks Pancasila
durung adus
Lan mbuh apa maning sing
bakal kedadean
Kabeh padha ngomong babagan
majuning jaman
Nganti kelalen njaga
kaendahan
Keharmonian
Kabudayan
Nganti piwulangan tanpa
tapak tanpa bekas
Elinga…
Mengko nek ana rejaning
jaman bakal kangen wektu wektu endah ing sekolah
Dene sampean bakal rumangsa
salah
Sebab wis ngowahi sejarah
Gurit Wengi
Wengi sangsaya pateng
Raga iki krasa adhem
Hananging ana sing nggawe
jenjem
Awit ana sing njalari ati
bakal adhem ayem
Sumilak padhang jingglang
ing telenging manah
Sanajan langit peteng kuwaya
wutah sadhengah dhengah
Putri ayu kang andum
pepadhang salumahing lemah
Byar kadya gagat raina
bagaskara andum berkah
Ngger cah ayu...
Ngati ngati lakumu
Aja grusa grusu
Wong sakukuban neng ngomah
wis do bungah
Kaya nampa bebungah sekang
pemerentah
Hananging kanggone aku
saomah kuwe ora lumrah
Sing lumrah tekamu slamet
tekan ngomah
#gurit wengi sepi
Kutasari, 17-12-21
NKRI Harga Mati?
Jare cinta pancasila
Kandhane NKRI harga mati
Endi buktine?
Sing ana pancasila dikebiri
NKRI dirampok dibregodog
Ibu pertiwi mung meneng
kanthi ati sekreneng
Ora bisa mbangkang ora bisa
mbedhal
Awit tutuke wish dibingkem
Ora usah sesumbar NKRI harga
mati
Nek Ora bisa nguri uri ibu
pertiwi
Ora usah ngaku aku
pancasialis sejati
Nek pancasila deprithili
Ibu pertiwi mung bisa nangis
kempas kempis
Ndeleng kahanan sing
sangsaya mbebayani
Kaya kaya bakal musna sekang
bumi
Kutasari, 12-12-21
Gurit Kanggo Para Taruna
Le cah bagus...
Dunya kiye wis sangsaya tuwa
Age age cancut tali wanda
Gumregah golet ngelmu agama
Kanggo sangu urip ing alam
donya
Uga akheratmu aja keri
kanthenana
Ndhuk becah ayu....
Dadia wanita prasaja
Elinga marang kondrat sing
kudu kok embat
Manut miturut marang bapa
lan garwa
Ibu kang tansah dipercaya
Nglungguhi wanita utama
Kutasari, 18-12-21
Pageblug Semeru
Semeru muntahna lahar
Pating jlerit swara tangis
ngaru ara
Mlayu ngalor ngetan ngulon
lan ngidul nggolet kayuwanan
Tan kanyana ana sing klelep
ing sajerone bubur awu tanpa gula
Sedamu dadi tumbaling
kesrakahaning para manungsa
Sing ora eling marang
tatanane sing Kuwasa
Kuwe amung satunggaling
pagebluk kang ana ing dunya
Esih akeh tunggale pagebluk-pageblug
liya
Kabeh mau kudu disikapi
kanthi awas
Nora amung nyalahna wong
liya
Apa maning kahananing alam
ing donya
Kedungbanteng, 13-12-21
Berkahe Gunung Slamet
Berkahe Gunung Slamet
Endah makmur tan kinira
Rerenggane tinata kanthi apik
Kanthi asta prigeling Gusti
Aneng pucuking mega katon ngegla
Hagunging pangreksane Sing Kuwasa
Edi peni ing samudayane
Gunung kang tansah amberkahi
Unggulaning tlatah Banyumas iki
Neng dhuwur katon gagah mrebawani
Ukiran kaendahan nyata binukti
Nang sakupenging tlatah tansah binudi
Gunung Slamet ndadekna masyarakat sumungkem marang Gusti
Sumungkeme bukti tandha syukur
Langgeng tumekaning raga kabujur
Aneng liang kubur
Mamanise urip ambyur binalabur
Eeseme mratandani uripe bakal makmur
Tanpa siksa aneng njero kubur
Kedungbanteng, 7 Desember 2021
Guruku Digugu Lan Ditiru
Guruku
Udan angin panas adhem
Rumangsane kanca
seperjuangan
Urusan rekasa dudu barang
anyar
Kabeh pangiring ing lakune
Upama prahu tanpa angin
mustahil mlaku
Dina-dina tan nate nggresula
Iku watak wantune guru utama
Guru kang bisa digugu lan
ditiru
Uga inspirasi kabeh penjuru
Guru saka panyangganing
negara
Umpama Omah tan bisa ngadeg
tanpa saka
Lumampah manut tatanan
Adat waton dadi gegondhelan
Namung sadermi lelaku kaya
wayang
Dadia wayang...wayang
mardika
Idi pangestune tansah den
antu-antu
Tinanggenah sumrambah
sakupenge
Ing kalangan samudayaning
sunu
Rumangsa dadi panjurunging
manungsa
Uba rampe kudu tansah binudi
Getuk Goreng
Getuk goreng
Entuk sekang sokaraja
Tuku satak bathi sanak
Urung tahu ketemu endhas
buthak
Kanggo nguleg paling penak
Goreng goreng esih anget
Ora weruh benang bundhet
Rumangsa paling rapet
Enake jamu singset
Nuju dina bisa kraket
Gethuk budin gawe raket
Apa Rila Yen Basa Jawa Ilang
Aku ora rila yen basa jawa
bakal musna
Pancen mangsa siki wis
sangsaya langka penggunane
Ananging aku tetep percaya
bakal lestari
Rikala semana basa jawa moncer
Ilining kasusastran
kaya-kaya ora tau asat
Lestari ngrembaka tekan
manca negara
Ambune sumebar wangi ngambar
ambar
Yen siki katon kaya arep
musna
Entheng neng pikir abot ing
panyandhang
Netepi kewajiban njaga
lestarining basa jawa
Bebasan abot entheng
dilakoni bebarengan
Aku lan sampeyan kabeh
sarana
Supaya basa jawa tansah
lestari
Ana ing bumi jawa Indonesia
Jiwaning manungsa kudu
tansah percaya
Ananing keajaiban sing wis
kinodrat
Wasising manah kudu tansah
diasah
Awit kudu imbang antarane
jiwa lan raga
Ilange basa jawa ora bakal
kenyana
Lamun aku lan sira kabeh can
cut tali wanda
Ambendhung tekane mega
Neng tanah jawa
Gung anginggil
Respati Nanggal Siji
Wengi wis Bali menyang papan
panggonan
Manjing nyawiji gagat raina
Bagaskara lon alonan lumaku
sekang wetan
Tanda para among tani
makarya nggolet pangupa jiwa
Respati nanggal siji kucem
pasuryane
Lengket-lengket lakune
ninggal tapake
Angslup neng papan dununge
Nyawiji sungkem marang
Gustine
Respati....
Rupamu njlirit kadya arit
Kidhung Awan Sapinggiring Sawah
Coretan sabak sing ora patia
cetha
Ora nduwe makna apa maning
estetika
Blazsss....
Kuwe mung ungkapan jiwa
Sing lagi nandhang sutresna
amarga ketemu sedulur tuwa
Sedulur sing wis padha
mencar neng ngendi ora
Dina kiye Gusti paring
kanugrahan
Arupa nikmat sing ora kenyana
Padha kumpul sakukuban Sapinggiring Sawah
Atine padha marem lan bungah
Dene esih bisa kumpul
sanajan ora mewah
Pinggir Sawah
papan sing asri
Ora perlu ngundang peri apa
maning penari
Awit neng njero ati wis
katon bawera
Musna kabeh nelangsa
Sing ana amung suka suka
Kutasari, 26-12-21
Rembulane Padhang Jingglang
Wengi kiye katon semringah
Pawongan padha bungah
Bocah-bocah rame aneng njaba
umah
Para sepuh manungkul maring
Gusti pasrah
Rembulane bunder
kluwer-kluwer
Sing padha jonjang muter-muter
Sing masang mingar-minger
Kartika nancang ing tawangan
Kumerlip ngawe-awe
bebarengan
Banjur tumurun neng kalangan
Rembulane padhang jingglang
Madhangi sakupenging
panyawang
Dikancani padanging lintang
Sing ambyar aneng
awang-awang
Tandang Gawe
Esuk umun-umun pancal kemul
Nata rambut banjur nyanggul
Tandang gawe aneng dhapur
Ngliwet uga gawe nyayur
Rampung beberes plencing
mangkat
Ora lali sangu tahu kupat
Dewadhahi tepak isi papat
Depangan kanca cacah papat
Bubar mangan pating klepat
Bubar mulang bali ngomah
Mampir pasar tuku barang
nggo demamah
Tekan ngomah gari mlumah
Dipijeti mbok Salamah
Profil Penulis
Penulis
Dra. Lasmiati, lair ing Banyumas, 20 Februari 1967. Alumni IKIP Negeri
Yogyakarta sing siki ganti nama UNY tahun 1992, jurusan Bahasa Daerah (Jawa).
Berprofesi sebagai seorang guru yang mengajar di SMP Negeri 1 Kedungbanteng.
Bersuamikan Iriyanto, mempunyai dua orang anak, Ismail Luthvi dan Salsabila
Zahro.
Nulis awujud hoby sing isih
dilakokna nganti siki sanajan minim pengalaman. Nanging, kanthi tekad kuat kula
ndherek kegiatan lomba-lomba nulis puisi
sanajan durung nate juara. Sanajan mangkana ana pinten-pinten irah-irahan puisi ingkang kasil dibukuke sareng
kaliyan peserta lomba sanesipun. Kayata “Titip rindu Untuk Negeriku” ing buku
kumpulan puisi “Rindu: Ketika Rindu Merasuk Kalbu” tahun 2019, “Corona” ing buku kumpulan puisi kanthi irah-irahan
“Bersatu melawan Corona” tahun 2020.
Koresponden lewat email :
lasmismpn6@gmai.com, facebook : Lasmi Miati, IG : lasmi_m_sungkono, twitter :
@MiatiLasmi, dene nomor HP. 081548192202.
Sinipsis
Sunaring Lintang mujudna sawijining kahanan menawa dunya kiye bakal katon asri menawa
dikebeki dening sunaring lintang. Kumpulaning geguritan kang kaemot neng buku
kiye ngandharaken babagan sawarnining kahanan panguripan neng dunya kiye. wiwit
sekang kahanan seneng, susah, jengkel, sabar, tawakal, lan liya-liyane, kabeh
karacik dadi geguritan kang prasaja.
No comments:
Post a Comment